Околу 18.000 евра украдени од куќа во Радовиш

Вкупно 16.800 евра и околу 100.000 денари се украдени вчера од куќа во Радовиш, соопшти полицијата.

Кражбата ја извршило засега непознато лице меѓу 16:30 до 17:00 часот во куќата на Љ.Б.(46) кој го пријавил случајот.

Според Љ.Б., преку надворешните скали од катот на куќата крадецот влегол во купатилото кое не било заклучено, го пронашол клучот од влезната врата, влегол и без да изврши пребарување од фиока во кујната ги одзел парите и избегал.

Се преземаат мерки за негово пронаоѓање.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.