Пред Министерството за здравство денеска се случи обид за убиство на досегашниот министер за здравство, Никола Тодоров. Според првичните информации, Тодоров при влегување на скалите се поздравувал со снимателите кои чекале да влезат внатре и тогаш напаѓачот извадил пиштол и пукал директно во него. Кон Тодоров било пукано двапати, потврди за „Република“ МВР, за среќа, тој не е повреден.
Веднаш е интервенирано од обезбедувањето на Министерството за здравство кое го оневозможило напаѓачот. Лицето е приведено и е на распит во полициската станица Беко. Според првичните информации напаѓачот е 57-годишен Љупчо Стојановски од Велес, а според пишувањата на „Телма“, Љупчо е дедото на малата Тамара, која почина чекајќи Фондот да ѝ одобри средства за операција во странство. Решението за одобрените пари пристигна следниот ден по нејзината смрт. СДС и шарените го користеа овој случај и болката на семејството на Тамара за да испровицираат вакво нешто.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
