Автомобил „фолсфаген голф“ е целосно уништен доцна ноќва околу 3 часот, откако возачот удрид во дрво, а потоа и во метално столпче. Сообраќајката се случила на улицата „Васил Ѓоргов“ во Капиштец, кај трговскиот центар „Зебра“.
Како што информираат од СВР Скопје за „Република“, со возилото со скопски регистерски таблички управувал 20-годишниот А.А., кој со возило на Итната медицинска помош веднаш бил пренесен во Ургентниот центар во Скопје.
Иако неговото возило е уништено, младиот возач се здобил само со лесни телесни повреди и по укажаната лекарска помош бил пратен на домашно лекување.
Полицијата извршила увид на местото на настанот.
Фото: Ѕид на сообраќајниот срам
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
