Моминска вечер завршила трагично – невестата изгорела

Трагедија во Сан Франциско. Моминска вечер завршила трагично. Пет жени изгореа до смрт, а четири се повредени во пожарот што ја зафатил лимузината во која се возеле вечерта пред свадбата на медицинската сестра Нериза Фојас.

По забавата се враќале кон хотелот кога една од нив почувствувала чад. Оганот се проширил со молскавична брзина. Пет од девојките загинаа, а четири успеајле да излезат. Две од нив се во критична состојба.

Полицијата ја пренесе приказната на возачот Орвил Браун дека додека го минувале мостот „Сан Матео“, забележал чад од лимузината, а по неколку секунди лимузината пламнала.

Чадот избил од задниот дел и веднаш букнал оган. Петте жени кои загинаа биле заглавени, не можеле да се спасат.

Едната од загинатите е несудената невеста, Нериза Фојас. Аутопсијата на телата ќе опфати токсиколошки тест, а ќе се испита и дали на телата на загинатите кои оганот ги зафатил со молскавична брзина, имало истурен алкохол или бензин.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.