Познатите диџеи Хардвел и Афроџек на „Охрид колинг 2017“

Познатите диџеи Хардвел и Афроџек официјално ги најавија нивните настапи на претстојниот фестивал „Охрид колинг 2017“ кој ќе се одржува на 01 и 02 август, на стадионот „Билјанини извори“ во организација на Авалон Продукција, соопшти Продукцијата.

Тие првпат доаѓаат во Македонија, како хедлајнери на фестивалот, кој иако годинава ќе го има своето второ издание.

Афроџек е еден од најтиражните изведувачи на дeнешницата, а воедно можеби и највлијателниот диџеј и продуцент. Неговото доаѓање во Македонија со нетрпение се очекуваше во целиот регион, а ова ќе биде и единствениот негов настап на овие простори. Зад себе има Греми награда, а неколку години по ред, како и годинава, се наоѓа во топ 10 најдобри диџеи според сите релевантни диџеј листи.

Високотиражниот хитмејкер Хардвел пак, со години е во меѓу трите најдобри диџеи на светската ранг листа, а воедно е и најмладиот на кој тоа му пошло од рака. Директните преноси на спектакуларните настапи во живо со кои хардвел едно по друго ги освојува најголемите фестивалски бини на планетата, заедно со спотовите и видеоблогот на „јутјуб“ вкупно имаат повеќе од милијарда прегледи. Станува збор за досега незабележан случај на успех на електронската сцена, но и феномен кој одекна во светската музичка индустрија.

Специјален гостин на настапот на Афроџек на први август ќе биде Равитез додека на настапот на Хардвел на втори август, ќе бидат познатите имиња KILL THE BUZZ и DANTE KLEIN.

Билетите за фестивалот во Охрид се во продажба преку продажната мрежа на Купи Карти За Се низ цела Македонија, Југотон и онлајн на веб страницата на ККЗС, по цена од 1.000 денари партер, 1.500 денари фан пит, 1.500 денари ВИП и 2.000 денари Ултра ВИП

Во продажба се пуштени и блок влезници за двата фестивалски дена кои чинат 1.500 денари за ПАРТЕР и 2.000 денари за ФАН ПИТ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.