Среќници: Пензионерите на оваа балканска земја ќе добиваат минимална пензија од 500 евра

Словенeчкиот парламент без ниту еден глас против ги усвоил измените во Законот за пензиско и инвалидско осигурување. Минималната пензија ќе биде 500 евра.

Според овие измени, пензионерите со полни услови за старосна пензија ќе имаат гарантирана пензија од 500 евра, пренесе агенцијата Хина.

Се наведува дека целта на законот е да осигура дека минималните целосни пензии ќе бидат барем толкави да сиромашните пензионери не треба да бараат од државата заштитен додаток.
Mинималната пензија од 500 евра би ја примале, според податоци на владата, околу 45 200 пензионери. Според податоците на пензиското осигурување, во почетокот на оваа година месечна пензија помала од 500 евра примале 98 200 пензионери, а сите тие со полн работен стаж и потребни години на живот отишле во пензија.

Законот вчера е прифатен едногласно без глас против, и покрај тоа што владиниот предлог опозиционите партии најпрво го оценуваа како популистички потег наменет за привлекување на избирачи, во последната година од мандатот на сегашната влада.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.