Македонската опера соопшти дека заради технички причини балетската претстава „Дон Кихот“, закажана за вторник, 25.04.2017 г. СЕ ПРЕЗАКАЖУВА за четврток 27.04.2017 година. „Дон Кихот“. Кореограф на оваа украинско-македонска копродукција е Виктор Јаременко, уметничкиот директор на еден од трите најпознати балетски ансамбли во светот – Балетот во Киев, сценограф е Андреј Злобин, додека под костимографијата се потпишува Гана Ипатиева. Оркестарот од пултот ќе го води диригентката Бисера Чадловска.
Во главните улоги ќе настапат: Мими Поп Алексова – Атанасовска во улогата на Китри и Бобан Ковачевскиво улогата на Базил, балетскиот ансамбл и оркестарот на МОБ.
Чешкиот композитор и виолинист Лудвиг Минкус (1826-1917) напишал неколку популарни балети, а речиси сите од нив, а особено балетот „Дон Кихот“ и денес се изведувани низ целиот свет. „Дон Кихот“ е балет во три чина базиран на познатиот истоимен роман од Мигел де Сервантес.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
