Касаи со полиција спасил жива глава од Левандовски, Видал и Алкантара

Фудбалерите на Баерн Минхен точно знаеја кој е главниот виновник за нивната елиминација од ЛШ, па конфликтот со судијата Касаи од теренот го пренесоа и во соблекувалната во „Сантијаго Бернабеу“.

Шпанските медиуи информираат дека тројца фудбалери на баварскиот гигант, Роберт Левандоски, Артуро Видал и Тијаго Алкантара, бесни на Унгарецот успеале дури и да влезат во неговата соблекувална, упатувајќи бројни навреди на адреса на главниот судија.

Страстите не се смириле, па морала да интервенира полицијата, чии службеници успеале да ја намалат тензијата и да ги извадат од судиските соблекувални тројцата бесни фудбалери. Останува да се види дали овој инцидент ќе биде внесен во официјалниот судиски записник, бидејќи тоа би значело дополнителна суспензија за тројцата стандардни првотимци на Баерн Минхен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.