Ви останаа многу јајца од Велигден, еве како да ги искористите

Еве некои предлози како да ги искористите преостанатите јајца од Велигден.

Ротквица салата со јајца

Потребно е: 2 китки ротквици, едно младо кромидче, 4­5 варени јајца, 200мл кисела павлака, сол, бибер, зачини.

Ротквиците исечете ги на кругчиња, белките на коцки, а кромидот на парчиња. Жолчките измешајте ги со павлаката и зачините. Може да ја јадете како оброк со препечен леб, или како додаток за месо.

Мимоза салата

Потребно е: 150 грама шунка, 150 грама кашкавал, 3 јајца, 1 кисела павлака, 2 поголеми варени компири, 150 грама мајонез.

Компирот сварете го со лушпа, излупете го, а потоа изрендајте го. Посолете и ставете бибер. Редете по ред рендана шунка, рендан компир, кашкавал и јајца. А измеѓу, меѓу секој слој, премачкајте мајонез и павлака. Украсете со рендани јајца.

Поленти јајца

Преостанатите јајца можете да ги наполните и тоа така што жолчката ќе ја помешате со некои од следниве состојки.

Комбинација 1: малку мајонез, сенф и сецкана шунка

Комбинација 2: малку павлака или сирење, ситно сецкани маслинки

Комбинација 3: ситно сецкани кисели краставички, чајна кобасица, помешано со крем сирење и магдонос

Зелка салата со јајца

Потребно е: свежа зелка, 4 варени јајца, 10 грама јаболки, 100 грама црни или зелени маслинки, балсамико, 3 лажици маслиново масло, малку ким.

Зелката исечете ја на што е можно потенки парчиња, јајцата на кругови, јаболките на коцки, исечете ги и маслинките. Од балсамикото, маслото, солта и кимот направете дресинг за салатата и со тоа прелијте ја смесата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.