Пожар: Кумановско семејство за Велигден остана без покрив над главата

Припадниците на Територијалната противпожарна единица Куманово изминатото деноноќие бележи две интервенции во своето работење во атарот на селата Довезенце и Ново Село, информираат од Регионалниот центар за управување со кризи.

Вчера во 12:30 часот кумановските пожарникари добиле повик за пожар во атарот на селото Довезенце, при што четворица пожарникари со едно противпожарно возило веднаш се упатиле на терен и со часови се бореле со пламените јазици. Пожарот зафатил површина од 10 хектари сува трева и драка. Пожарникарите конечно успеале да го ликвидираат пожарот во 17:30 часот. Причините за негово избувнување не се познати.

Втората интервенција ја бележат во 18:20 часот кога во атарот на Ново Село се запалила семејна куќа, а од пламените јазици изгорел и помошен објект. На терен веднаш излегле шестмина пожарникари со две противпожарни возила и огнот го локализирале некаде околу 20 часот. Причина за настанување на пожарот како и висина на материјалната штета допрва ке се утврдува.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.