Во српскиот избирачки список запишани се 800 илјади гласачи повеќе отколку што Србија има полнолетни жители, пишува белградскиот весник „Блиц“.
Весникот додава дека право на глас на претседателските избори имал и жител кој во јануари ќе наполни 128 години. Меѓу впишаните се и лица кои живеат на непостоечки адреси.
Можност за прочистување на избирачкиот список досега имаа сите влади, но ниту една тоа не го стори тоа, ниту е изразена политичка волја тоа да се направи, додава весникот,
Според податоци на Републичкиот завод за статистика, Србија има 7.186.962 жители, а полнолетни кои може да гласаат се 5,9 милиони. Во избирачкиот список за претседателските избори беа впишани 6,7 милиони гласачи. Според тие податоци, право на глас на овие избори имале 800 илјади гласачи повеќе, наведува „Блиц“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
