Унгарија почна со кампањата против ЕУ: „Да го спречиме Брисел“

Унгарија започна кампања против Европската унија како знак на несогласување со миграциската  политика на Брисел, која и се заканува земјата, соопштува “Франс прес”.

Централноевропската земја ги прашува домаќинствата во наивна студија за нивните совети што да прави Будимпешта со политиките на Брисел, кои и се закануваат на независноста на Унгарија.

Прашалникот е насловен “Да го спречиме Брисел” . Тој е поделен на домаќинствата, изјави владиниот претставник Бенз Тусон на специјална прес-конференција.

-Големите решенија и борби допрва и  претстојат на Унгарија. Унгарија може да победи во овие борби само ако ја почувствува поддршката на земјата , додаде тој.

Шесте прашањето во студијата претежно  ги прашуваат граѓаните “што треба да направи Унгарија” со политиките на ЕУ во областа на имиграцијата и економски прашања .

На пример во едно од прашањата Будимпешта прашува “што треба да направи Унгарија” “ откако по последната серија од терористички напади во Европа … Брисел сака да ја принуди да прифати илегални имигранти “.

Варијантите за одговор се: “илегалните имигранти треба да бидат под надзор додека властите да ги решат нивните случаи” и “треба да дозволиме илегалните имигранти да се движат слободно во Унгарија”.

Анкетата е наречена “Национална консултација 2017 година” . Минатата недела владата на премиерот Виктор Орбан усвои нови правила кои овозможуваат неопределено време за притвор на мигрантите во кампови со контејнери на јужната граница со Србија.

Владата спроведе слична кампања во 2015 година, со која беше побарано мислење на Унгарците за “имиграцијата и тероризмот” . Студијата беше остро критикувана од ОН, бидејќи  ја зајакнува ксенофобијата во земјата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.