Граѓаните на Кочани и денеска маршираа, а протестен марш најавија и за утре

Жители на Кочани и вечерва со протестен марш низ улиците во центарот на градот дадоа поддршка на граѓанската иницијатива „За заедничка Македонија“.
Преку пораки на транспаренти го искажаа својот револт од, како што велат, тиранската платформа и обидите за дестабилизација на државата. Тие истакнаа дека се против редефинирање на државата, воведување на албанскиот за втор службен јазик и менување на симбоолите во двојазични кај армијата, полицијата и парите.

Мирниот протест, кој што траеше еден час, заврши пред споменикот на Никола Карев во Паркот на револуцијата во Кочани.

За утре на протестен марш најавија учество и земјоделците од кочанско кои се очекува да излезат со земјоделска механизација низ улиците на Кочани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.