Охриѓани нема да дозволат разнебитување на Македонија

Граѓани на Охрид попладнево повторно излегоа на улица, во знак на поддршка на граѓанската иницијатива „За заедничка Македонија“.

Со протестен марш низ улиците ја изразија својата поддршка за граѓанската иницијатива „За заедничка Македонија“, изразувајќи загриженост за иднината на државата и за зачувување на унитарноста на Република Македонија.

– Многу е жално, болно и тешко да се руши нешто за што нашите предци ги давале животите, а тоа е нашата држава, дотолку поболно е што тоа го прават наши изроди. Сплотеноста на Македонецот денеска мора да дојде до израз за да не дозволи да дојде до уривање и разнебитување на нашата заедница, изјави Христо Миладинов.

Протестниот собир започна кај охридската гимназија, продолжи со марш низ централните улици на Охрид и заврши на градскиот плоштад „Свети Климент Охридски“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.