И Барселона тргнува по Белоти?!

Шпанскиот гигант Барселона е најновиот европски клуб кој појавува интерес за напаѓачот на Торино и италијански репрезентативец Андреа Белоти. По Баерн Минхен, Челси, Манчестер сити и Интер, сега и Барселона влегува во трката за негов потпис. Торино и понатаму не размислува за негова продажба под 80 милиони евра, но каталонскиот гигант доколку навистина сака да го доведе на „Камп nоу“, тогаш и таа сума не би била преголема пречка.

Раководството на Барселона размислува да ангажира нов квалитетен напаѓач откако Пако Алкасер воопшто не ги оправда очекувањата и, најверојатно, ќе мора да си замине. Иако на „Камп nоу“ владее триото Меси – Суарез – Нејмар, челниците на каталонскиот гигант сакаат да ангажираат уште еден елитен голгетер. Изборот е Белоти, но ќе треба да излезат и како победници во трката со останатите големи европски клубови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.