Новите земјоделци имаат уште 3 дена да се регистрираат

До 15 март годинава земјоделците и новите земјоделски фирми ќе мора да се запишат во Регистарот за земјоделски стопанства ако сакаат да добијат субвенции.

Според Министерството за земјоделство, шумарство и водостопанство, ваква обврска имаат и оние што направиле промени во сопственичката структура.

– Привршува рокот за запишувањето на новите земјоделци во Регистарот на земјоделските стопанства. Крајниот термин е 15 март. Запишувањето е еден од условите за добивање субвенции, но мора да се евидентираат и промените во сопственичката структура, велат од МЗШВ.

Пријавувањето се врши во подрачните единици на Министерството каде што живее земјоделецот или каде што се наоѓа седиштето на фирмата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.