Кандидатот за премиер на Македонија и лидер на СДСМ, Зоран Заев постигна договор со албанската партија ДУИ, Србија да биде обвинета за наводен геноцид извршен над Албанците во таа земја помеѓу двете светски војни, пишува српски „Информер“.
„Информер“ пишува дека Заев тоа им го соопштил на членовите на својата партија на седницата на Главниот одбор на СДСМ, претставувајќи го тоа како дел од коалициониот договор со ДУИ за состав на новата македонска влада.
– На оваа срамна одлука на Заев се спротивставиле повеќе членови од Главниот одбор, а тој се обидел да ги смири со зборовите дека тоа не е толку опасно за Македонија, бидејќи сета вина паѓа на Србија и српската Влада, која во тоа време владеела во поранешната Вардарска Македонија, пишува „Информер.рс“.
Заев ги информирал сопартијците дека поради доаѓањето на власт се сголасил во втората фаза од договорот со Албанците да разговара и за промена на државната химна, знамето на Македонија, како и воведување на двојазични пари, пишува „Информер“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
