Доколку „Фејсбук“ денеска не ви работи, не грижете се, не е до вашиот профил, уред или интернет. Корисниците на најголемата социјална мрежа низ целиот свет денеска имаат проблеми со нивната почетна страница.
Наместо нови вести, на „Фејсбук“ се прикажани ограничен број на објави, а на крај стои и поракa: Ќе имате повеќе приказни на почетната страница доколку додадете повеќе пријатели.
Проблемот во Велика Британија започнал околу 9 часот утрово, а илјадници корисници веќе испратиле пријава до компанијата. Слични проблеми има и во САД и низ поголемиот дел на Европа.
На удар се и корисниците во Хрватска, Босна и Херцеговина и Србија.
Во Македонија и вчера се случуваа слични проблеми, а некои од корисниците воопшто и немаа „Фејсбук“.
Од компанијата засега нема официјално соопштение што точно се случило и дали се работи на проблемот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
