Почина актерот Ворен Фрост, познат по улогите во „Твин пикс“ и во „Сејнфелд“

Глумецот Ворен Фрост, познат по улогите во телевизиските серии „Твин пикс“ и „Сејнфелд“, почина на 92-годишна возраст по долгогодишно боледување, во својот дом во Мидлбери во американската сојузна држава Вермонт.

– Тажни сме што мораме да ве известиме за смртта на нашиот драг татко. Благодарни сме што го делевме светот со него сиве овие години – изјави неговиот син Марк Фрост за „Венити фер“.

Ворен е роден во 1925 година во Масачусетс, а неговата актерска кариера траеше повеќе од 50 години.

Нам најмногу ни е познат по улогите на Вил Хејвард во „Твин пикс“ и господин Рос од „Сајнфелд“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.