Полнолетниот македонски граѓанин просечно годишно пие 2,2 литри вино и 0,9 литри ракија, покажуваат податоците што во пресрет на празнувањето на Денот на виното и љубовта ги објави Државниот завод за статистика.
Во Македонија има 88 милиони пенушки засадени на површина од 23.613 хектари, а 77-те винарии произведуваат 78,5 милиони литри вино на точење и 28,05 милиони литри во шишиња.
Најмногу се извезува вино во шишиња и тоа во Кина, Русија, САД и Австралија, а вкупната вредност на извозот на вино изнесува 47,7 милиони евра.
Покрај ова, во Македонија се произведуваат во домашни услови и 70.200 тони грозје и 13 милиони литри вино. Во вкупниот промет на алкохолни пијалоци, на виното отпаѓаат 14,9 проценти, а на ракијата 3,4 проценти. Во месецот на виното и љубовта склучени се 880 бракови и родени се 1.741 дете од кои 914 машки и 827 женски.
По Св. Трифун – заштитникот на лозарите и градинарите, крстени се 357 лица од кои 205 се викаат Трифун, а 152 Трипун.
Во Македонија има и 752 лица кои се викаат Валентин, 250 Валентино и 6.958 Валентина.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
