Тајван: Се преврте автобус – најмалку 32 лица загинати

Најмалку 32 лица загинале, а 13 се повредени во Тајван кога автобус, кој превезувал туристи, се превртел на патот, близу до главниот град Тајпеј.

Во соопштението на локалната полиција се вели дека најголемиот дел од патниците биле постари луѓе од главниот град, кои се враќале од учеството на празникот на црешовиот цвет во градот Тајчунг.

Според полицијата, нема загинати или повредени странци.

Засега не се знае што била причина за несреќата, но полицијата верува дека превртувањето, што се случило на еден остар свиок, било предизвикано од неприспособена брзина на автобусот со приликите на патот.

Тајван важи за една од најбезбедните земји во светот, но критичарите на тамошните прилики тврдат дека властите мора да ги унапредат безбедносните стандарди.

Во јули минатата година во автобуска несреќа загинаа 26 лица откако возилото се запали и целосно изгоре.

Истрагата подоцна утврдила дека возачот на автобусот бил самоубиец, кој самиот го запалил возилото и ја предизвикал катастрофата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.