Шест лица се повредени во сообраќајната несреќа што утрово во четири часот се случила на крстосницата кај булеварите „Партизански одреди“ и „8. Септември“во Скопје меѓу четири автомобила. Со тешки телесни телесни повреди се здобила сопатничка во едно од возилата.
Како што информираат од СВР Скопје, сообраќајката се случила меѓу патничките возило „Ауди А6“, управувано од В.Д. (1945) од Скопје, „Мерцедес Ц 200“, со скопски регистарски ознаки, управувано од С.К. (1981) од Скопје, „Опел астра“ со скопски таблички, управувано од Д.С. (1991) и возило „Фиат Линеа“ со струшки регистарски ознаки управувано од Љ.У. (1989).
По сообраќајната незгода возачите В.Д и С.К. со возило на Брза помош биле пренесени во Градската општа болница „8ми Септември“, Љ.У. и неговиот сопатник А.Т (1994) од Скопје во клиниката „Свети Наум Охридски“, а Д.С. и сопатничката О.Ц. (1991) Скопје во Ургентен центар. Кај О.Ц. се констатирани тешки телесни повреди, фрактура на вратен пршлен. На натамошно лекување се задржани и возачите С.К. и Д.С., кој е препратен на Очната клиника, додека В.Д., Љ.У и А.Т, кај кои имало телесни повреди се пуштени на домашно лекување.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
