Ќе мора да замислите три желби, а не една: Вечерва небото чести вистински празник за очи

Над нас вечерва ќе се случи вистински небесен спектакл – тоа ќе биде прилично светла комета со пурпурна “опашка.

Втората појава, ќе биде делумното затемнување на Месечината, поради што едниот раб од неа ќе биде со многу потемна (темно-сива) боја од другиот крај. Велиме делумно затемнување, бидејќи поради положбата и оддалеченоста, Земјата нема целосно да го засени нашиот природен сателит. Затемнувањето од Република Македонија ќе може да се набљудува вечерва во 23.30 часот, а максимумот ќе достигне во 01.42 (во сабота рано наутро). Инаку, тотално затемнување на Месечината ќе видиме дури следната година

Сепак, најголемата атракција е преминот на кометата 45P/Хонда-Мркос-Пајдушакова. Ако никогаш не сте ја виделе до сега, овој викенд ќе има колку-толку добра можност за тоа. Имено, ноќта во петок кон сабота, оваа комета ќе биде на најблиско растојание до Земјата на „само 12,3 милиони километри“ (0,08 AU). Сепак, тоа не значи дека ќе може да се види со голо око. Ќе бидат потребни подобар двоглед или телескоп со зголемување од барем 15-20 пати и одлична ориентација на небото. Воедно, поради нејзината дифузна светлина, потоа силната осветленост на небото од полната Месечина (без оглед што ќе биде делумно затемнета), како и поради светлинското урбано загадување, навистина тешко ќе се забележи. За да се најде на небото, првин треба да се пронајде со ѕвездието Херкулес на западната страна. Кометата е карактеристична по интересната зеленикава боја. Најдобро време за нејзино наоѓање ќе биде околу 1,5-2 часа по полноќ, односно во раните утрински часови во саботата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.