Заглавени се 416 китови, а досега загинаа повеќе од 300 – што е најлошиот ваков случај во Нов Зеланд досега.
За преживеаните китови се грижи локалното население кое ги одржува нивните температури ладни и се обидува да ги смири.
Научниците не знаат зошто и што придонело толку многу китови да се насукаат. Понекогаш се случува постари, болни или повредени китови да направат грешка и да влезат во плитките води од кои не можат да излезат.
Се случува и еден од нив, кога ќе се најде во ваква ситуација, да им испрати сигнал на останатите кои доаѓајќи по сигналот завршуваат како него.
– Успеавме да вратиме во вода неколку китови, но има премногу мртви во плитките води. Тоа е навистина многу, многу тажно. Една од најубавите работи е што оние неколку китови кои успеавме да ги вратиме во длабоките води веднаш ги заследија нивните младенчиња па така се спасија повеќе одеднаш – изјави волонтерката Ана Вајлс.
Експертите велат дека плитката вода ги буни китовите и ја попречува нивната способност за навигација. Во февруари 2015 година околу 200 китови се насукаа на истото место од кои речиси половина починале.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
