Има деведесет години и врши четири операции неделно

Аља Илинична од рускиот град Рјазањ има 89 години и официјално е најстариот хирург на светот.

И по повеќе од 10.000 операции, оваа бабичка нема намера да се пензионира. Со медицина се занимава полни 67 години, од кои првите 30 ги поминала како дел од теренски тим лекари задолжени за поизолираните средини. Денес таа работи во локалната болница во Рјазањ во источна Русија и врши четири операции неделно.

– Да се биде доктор не е само работа, тоа е начин на живот. Ако јас престанам да работам, кој потоа ќе оперира?, со насмевка вели Илинична.

Вели дека лек за бесмртност не успела да измисли, но очигледно има рецепт за долговечност.

– Јадам се, многу се смеам и многу плачам – вели Аља.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.