Демократската кандидатка на изминатите американски претседателски избори Хилари Клинтон ќе напише книга за изборната кампања и поразот од републиканецот Доналд Трамп.
Поранешната државна секретарка, сенаторка и прва дама работи на збирка лични приказни во кои, меѓу другото, ќе пишува и за минатогодишната претседателска кампања во САД, соопшти издавачката куќа „Сајмон и Шустер“.
Книгата ќе биде објавена на есен и ќе биде инспирирана од нејзините најпознати цитати.
Хилари Клинтон ќе објави и ново илустрирано издание на бестселерот „It takes a Village“ за младите читатели.
Хилари Клинтон ќе ја продолжи соработка со агенцијата „Хари Вакер“, преку која ги реализираше платените говори, кои во текот на кампањата ги критикуваа нејзиниот ривал, Берни Сандерс и други.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
