Пристигна петтиот патнички воз за МЖ Транспорт

Петтиот патнички воз купен од кинеската компанија ЦСР за ЈП Македонски железници Транспорт денеска пристигна во Македонија.

Новиот воз е на дизел погон. Треба да сообраќа на линијата Скопје-Гевгелија-Скопје. Раководството на МЖ Транспорт очекува да биде пуштен во редовен сообраќај за 15 до 20 дена, откако ќе бидат извршени потребните тестирања.

ЦСР треба да испорача во Македонија уште еден воз на дизел погон согласно договорот меѓу Министерството за транспорт и врски и ЦСР со кој беа купени шест патнички возови, четири дизел и два со електромотор.

Инвестицијата за набавката на возовите изнесува 25 милиони евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.