Хоспитализиран Џорџ Буш постариот

Поранешниот претседател на САД, Џорџ Буш постариот е примен во болница во градот Хјустон во американската сојузна држава Тексас.

Информацијата ја потврди и шефицата на неговиот Кабинет, Џин Бекер, која изјави дека, според лекарите, 92-годишниот Буш постариот е во стабилна здравствена состојба.

– Се` е в ред, изјави Бекер, додавајќи оти се надева дека Буш постариот за неколку дена ќе биде отпуштен од болница и ќе се врати во својот дом.

Бекер не ги соопшти причините поради кои поранешниот американски претседател завршил во болница.

Буш постариот, кој беше претседател на САД од 1989 до 1993 година, во последниве неколку години имаше чести проблеми со здравјето и неколку пати беше хоспитализиран. Во 2015 години тој падна во неговиот дом и скрши пршлен.

Неодамна Буш постариот соопшти дека нема да биде во можност да присуствува на церемонијата на инаугурација на новиот американски претседател Доналд Трамп, што ќе се одржи в петок во Вашингтон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.