Не отстапуваме од она што го кажавме за СЈО и уставот. СЈО е наменска институција, а во однос на барањата за уставни промени, немаме ниту потреба, ниту пак уставни можности да ја правиме државата бинационална.
Ова го изјави Антонио Милошоски од ВМРО-ДПМНЕ во „Отворено студио“ на ТВ НОВА, уште еднаш потврдувајќи го ставот на партијата во однос на барањата што албанските партии ги презентираа во заедничката платформа што беше објавена пред почетокот на преговорите за составување на новата Влада.
„Добивме мандат по две основи. Првата беше платформата за економски развој, односно програмата „Реално“, додека вториот темел на нашиот предизборен настап беше зачувување на унитарна, кохезивна Македонија и како држава и како општетсво. Соодветно на тоа немаме ниту потреба, ниту луксуз, ниту пак уставни можности да ја правиме државата бинационална. Ние не сметаме дека доколку државата биде бинационална ќе биде поефикасна, поекономична и посплотена. Затоа од овие два принципи нема да отстапиме“, истакна Милошоски.
Тој заедно со поранешниот претседател на ДИК Александар Новаковски гостуваше во „Отворено студио“ на ТВ НОВА на тема „Преговори и црвени линии“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
