Нашиот Тоше направи една од најдобрите преработки на песни од Џорџ Мајкл

Неодамна починатиот британски пејач Џорџ Мајкл беше човек кој сакаше да прави „кавер“ верзии. Но, постои исто така легија на уметници кои ги обработија неговите легендарни песни. И не само „Careless Whisper“ и „Last Christmas“, туку и една од неговите најпознати песни „Jesus to a child“, а којашто беше препеана од македонската музичка легенда Тоше Проески.
Австралискиот онлајн медиум News.com.au направи анализа рангирајќи на најлошите и најдобрите обработки на песни на Џорџ Мајкл од страна на светски ѕвезди, на листата на најдобри преработки, во ист ранг со Мараја Кери, Џоан Баез, Тори Ејмос и Мајкл Бубле е ставен и легендарниот Тоше Проески. Прерано починатата македонска ѕвезда е рангирана меѓу најдобрите десетина пејачи кои најубаво го препеале Џорџ Мајкл.

Тоше е рангиран подобро и од британскиот пејач Роби Вилијамс.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.