Скршеници на раце и нозе, колкови, набиеници – стотина граѓани побарале лекарска помош

Скршени раце, нозе, колкови, набиеници. За три дена стотина граѓани со повреди здобиени од пад на мразот побарале лекарска помош во скопските клиники и болници.

Најмногу пациенти, вкупно 60 биле примени во Клиниката за хируршки болести „Свети Наум Охридски“. Половината имале скршеници, на дел им е ставен гипс и се пуштени дома, а неколку лица се оперирани и задржани на болничко лекување, велат за „Сител“ од оваа Здравствена установа.

Во Ургентниот Центар на Клинички на преглед се јавиле 34 лица, а 8 од нив со посериозни повреди се хоспитализирани на Клиниката за трауматологија. Деновиве десетици граѓани кои паднале пред домовите или на лизгавите тротоари биле примени и во „ГОБ 8 Септември“.

-Младите обично паѓаат на рацете и ги повредуваат зглобовите, а повозрасните паѓаат на колковите – изјави за „Сител“ Асс.д-р Маја Софрониевска Главинов, од Клиниката за хируршки болести „Св. Наум Охридски“.

Лекарите советуваат граѓаните внимателно да се движат по лизгавиот терен бидејќи и деновиве температурите ќе бидат двабоко под нулата, а повозрасните лица без потреба да не излегуваат од дома.

-Никако да не ги држат рацете во џебовите, додаде Асс.д-р Маја Софрониевска Главинов, Клиниката за хируршки болести св. Наум Охридски.

Доколку некој се повредди при пад на мразот лекарите аперираат никако да не оди на местачи и надри лекари, туки веднаш да побара помош во најблиската здравствена установа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.