Газиантеп ќе се збратими сo Гази Баба

Двете општини треба да ја унапредат соработка во стопанството, туризмот, образованието, социјалната и здравствената заштита, културата, спортот и во други области од локалната самоуправа.

За таа цел денеска во посета на општина Гази Баба ќе допатува 50-члена делегација на Газиантеп, предводена од градоначалникот Угур Асим Ѓузелбеј. Турската делегација ќе ја прими градоначалникот Трајковски со локалната администрација и со членови на Советот. Пред гостите ќе се изврши презентација на општина Гази Баба, по што градоначалниците ќе потпишат Меморандум за соработка.

Соработката е по иницијатива на македонскиот амбасадор во Турција, Горан Таскоски.

– Збратимувањето и соработката меѓу општините Гази Баба и Газиантеп е со цел унапредување на традиционално добрите македонско-турски односи и продлабочување на меѓународна соработка на единиците на локалната самоуправа од Република Македонија и Република Турција, информираат од општина Гази Баба.

Одлуки за соработка и збратимување, советите на Гази Баба и на Газиантеп донесоа на 17 мај годинава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.