Војводина ја усвои спорната декларација- се отвара ли простор за нова независна држава на Балканот?

Пратениците на владеачката коалиција во собранието на Војводина вчера ја изгласаа резолуцијата за заштита на уставните и законските права на Автономната покраина Војводина.

За декларацијата гласале 75 пратеници, а против 21. Претседателот на владата на Војводина Бојан Пајтиќ рекол дека Војводина нема да молчи, туку и понатаму ќе инсистира на почитување на своите уставни и законски права. Тој ги отфрлил обвинувањата на опозицијата дека декларацијата повикува на сепаратизам.

Пајтиќ истакнал дека за надлежностите на покраината не може да се преговара и дека мора да се испочитува се што е загарантирано со Уставот на Србија.

Претседателот на опозиционата пратеничка група Српска напредна странка Игор Мировиќ имал сосема спротивен став и најавил дека „ќе се бори против создавање независна држава Војводина“.

Според него, декларацијата е опасен политички памфлет кој содржи некои „помалку или повеќе опасни теми“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.