Сириската Ана Франк е чиста пропаганда – нејзиниот татко е поврзан со џихадистите

Реџеп Таип Ердоган, претседателот на Турција, пред неколку дена го примил 7-годишното девојче од Алепо, Бана Алабед, кое со го нарекуваат „сириската Ана Франк“. Сепак, кај корисниците на социјалните мрежи, една работа привлекла големо внимание. Имено малата Бана на приемот пристигнала со својот татко, и тоа не би било воопшто чудно доколку таа неколку месеци претходно не напишала дека нема татко и дека тој бил убиен во бомбардирање.

Се воспоставило дека тој е жив, здрав и дека е многу близок со терористите на ИСИС. Набрзо голем број на корисници на социјалните мрежи објавиле фотографија од таткото на Бана со терористите.

На една фотографија дури и позира со кренато оружје под знамето на Исламската држава, а на Фејсбук кружи и фотографија од сириската Ана Франк во друштво на човек кој потоа е фотографиран со терористите.

За оние кои ги оспорувале тврдењата на Бана и автентичноста на самиот профил, овие фотографии се доказ дека сè било чиста пропаганда, но ни Бана, ни нејзината мајка, сè уште не се огласиле.

Профилот на Бана привлекол повеќе од 325.000 следбеници, меѓу кои и писателката Џ.К Ролинг, која пратила електронски примерок од своите книги за Хари Потер. А таа на својот профил на Твитер објавила фотографии од уништениот Алепо, вклучувајќи ја и својата улица во урнатини.

Западните медиуми, без резерва ги пренесувале нејзините твитови и нејзината страна од приказната, за која критичарите во главно тврделе дека е црно-бела. Така Бана преку Твитер ги повикала Путин и Асад да престанат со бомбардирањето, пишувала дека стравувала за својот живот и животот на својот брат и ја повикала Мишел Обама да и помогне да побегне од Алепо.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.