И официјално: Победија Македонија и народот во Македонија!

ВМРО-ДПМНЕ и Коалицијата за подобра Македонија се победници на деветтите парламентарни избори во Република Македонија со освоени 51 наспрема 49 мандати за СДСМ.

Државната изборна комисија вечерва на прес-конференција ги објави конечните резултати од прегласувањето во Теарце, со што и официјално заврши изборниот процес.

Со 149 гласа за ВМРО-ДПМНЕ и Коалицијата, 245 за СДСМ, по 1 за ДУИ, ДПА и Алијанската за Албанците, 2 за ВМРО за Македонија  ВМРО-ДПМНЕ и Коалицијата го задржаа мандатот кој се обиде СДСМ да им го скине по по изборите на 11 декември.

-ВМРО-ДПМНЕ на овие избори имаше исклучителен тежок противник затоа што тоа не беше само СДСМ и тоа сите го знаете и затоа оваа победа има посебна тежина и важност, особено ако се погледне низ што се минавме минатите 2,5 години и како партија и како држава, изјави претседателот на ВМРО-ДПМНЕ, Никола Груевски, по објавувањето на резултатите на 11 декември, а слободно може да се повтори и денеска, по исклучително жестокиот обид на СДСМ и неговите агитатори да се изврши изборен фалсификат и со прегласување во претежно албанска етничка средина да се промени изборниот резултат во корист на СДСМ.

Театарот во Теарце само покажа дека ВМРО-ДПМНЕ е во рамките на константната поддршка, а прегласувањето во Теарце беше само неуспешен обид на СДСМ и странскиот фактор преку изборен инженеринг да ја погази волјата на народот во Македонија и да обезбеди позиција за разпарчување на Македонија.

Жителите на Теарце не потклекнаа на обидите на СДСМ и Зоран Заев да ја фалсификуваат волјата на народот, изразена на изборите на 11 декември. Со прегласувањето во Теарце, се стави печат на исклучително важната победа на ВМРО-ДПМНЕ.

Ниту притисоците директно од СДСМ, ниту разни надворешни влијанија и притисоци од странски амбасади, ниту обидите за поткуп и видливиот постизборен инженеринг не беа доволни СДСМ да ја фалсификува волјата на народот и да ја украде победата преку ова прегласување.

СДСМ и сите нејзини помагачи во овие заткулисни игири денеска добија силна шлаканица од жителите на Теарце. Како попусти се покажаа целиот изборен инженеринг и обидите за фалсификување на јасно изразената народна волја. Народот денеска го порази СДСМ и испрати порака дека со никакви игри не може да се згази неговиот избор.

ВМРО-ДПМНЕ денеска не учествуваше на изборите, но тоа не ги спречи жителите на Теарце да го поразат СДСМ и сите негови манипулации изминативе денови.

Пропадна обидот за изборен инженеринг на СДСМ, откако граѓаните уште еднаш по гласањето на 11 декевмри ја потврдија победата на ВМРО-ДПМНЕ и Kоалицијата за подобра Македонија.