Венгер: Озил е лош кога ја немаме топката

По двата пораза (Евертон и Манчестер Сити) во последните две кола екипата на Арсенал го загуби првото место на табелата на Премиер лигата. На мета на навивачите за лошиот настап беше Месут Озил, особено лошите потези и неуспешните обиди да одземе топка на противникот.

– Мораме да ги прифатиме забелешките од другите. Озил е лош кога ние ја немаме топката, против Манчестер Сити немавме доволно посед на топката. Ако сакате да ја имате топката треба да ја освоите, изјави за „Скај“ менаџерот на Арсенал Арсен Венгер.

Арсенал се наоѓа на четвртото место на табелата со 34 бодови или девет помалку од лидерот Челзи, а три од второпласираниот Ливерпул и два од третиот Манчестер Сити.

Менаџерот Венгер очекува конкуренцијата во екипата да се зголеми откако по повредите ќе се вратат Алекс Окслејд – Чембрлен и Дени Вилбек. Следниот натпревар Арсенал го игра на 26.декември (понеделник) на домашен терен против ВБА.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.