Преодниот тим на американскиот нов претседател Донал Трамп го објави писмото од рускиот претседател Владимир Путин, кое било примено минатата недела. Во писмото Путин се заложува за билатерална соработка и ново ниво на американско-руските односи.
-Во писмото се укажува дека сериозните глобални и регионалнни предизвици покажуваат дека односите на САД и Русија се важен фактор во обезбедување стабилност и безбедност во современиот свет- наведуваат од тимот.
-Се надевам дека ќе можеме со делување на конструктивен и прагматичен начин да преземеме вистински чекори кон обновување на рамката на билатерална соработка во различни области, како и да го подигнеме нивото на соработка на меѓународната сцена на ново квалитетно ниво- напишал Путин.
Писмото, кое тимот на Трамп го опишува како неофицијален превод, е со дата од 15 декември. Трамп во додатното соопштение изразува надеж дека двете земји може да ги „оживеат овие идеи“ и дека нема потреба да „одат по алтернативни патишта“, пренесува агенцијата Ројтерс.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
