По три нерешени дуели Манчестер Јунајтед успеа да забележи две победи во низа во Премиер лигата, а последната му ја донесе дуото Погба-Ибрахимовиќ. Новите засилување на „црвените ѓаволи“ синоќа во дуелот против Кристал Палас ја направија разликата на теренот, посебно Ибра кој го постигна победничкиот гол во самиот финиш од мечот.
По завршувањето на натпреварот видно беше задоволството кај Мурињо, кој не штедеше комплименти за своите најдобри поединци.
– Пол беше на ниво. Неговите додавања, како и неговото движење на теренот беа беспрекорни, но мене најмногу ми значи она што Златан го направи по постигнувањето на одлучувачкиот гол. Го доби секој воздушен дуел, имаше неколку одлични асистенции, а притоа успеа да го успори ритамот. Тој е феноменален, не само заради голот за победа, туку заради големата борба и страст што ја покажува. Ибра е лидер на овој тим, и со еден збор тој синоќа беше фантастичен – вели Мурињо.
Јунајтед во следното коло кое ќе се одигра овој викенд, нови три бода ќе брка на гостувањето кај Вест Бромвич Албион, додека најинтересно ќе биде во мечот во Манчестер каде Сити ќе го игра дербито против Арсенал.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
