Во Ротердам уапсен терорист кој планирал напад

Холандската полиција уапсила во Ротердам 30-годишен маж кој е осомничен за планирање терористички напад, објави во петокот државното обвинителство.
Детективите го пребарале неговиот стан откако добиле пријава од разузнавачката агенција AIVD. При пребарувањето откриле автоматска пушка „Калашников АК-47“ со муниција и четири кутии со „јасна експлозивна илегална пиротехника“.
„Осомничен е дека подготвувал терористички напад“, објави обвинителството. Во станот е пронајдено и голема слика од знамето на џихадистичката организација Исламска држава, се додава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.