Димовски: По новиот автопат Скопје – Штип ќе се вози во 2017, потпишан договор за Штип – Кочани

Како што потенциравме повеќе пати во источна Макеоднија се гради и се создава само кога ВМРО-ДПМНЕ е на власт. На лице место сме на клучката на која ќе ги поврзува автопатот од Скопје за Штип и патот од Штип за Кочани, експресен пат со 4 ленти, за кој што денеска е потпишан договор за изградба и чија што изградба ќе почне до првиот квартал на 2017 година, истакна денеска носителот на листата во ИЕ 3, Илија Димовски.

-Тоа значи дека инфраструктурата во источна Македонија ќе се разликува од она што СДСМ го остави. Конечно граѓаните и сами можат да погледнат што значеа овие стари патишта што ги имаме и што значи оваа масовна изградба во сите патни правци во источна Македонија. Очекуваме во текот на 2017 година да заврши изградбата на автопатот Скопје- Штип и да биде пуштен во сообраќај, а изградбата на патот од Штип за Кочани да продолжи со силно темпо во следната година, подвлече Димовски.

Зас нас, додаде тој, овие огромни инфраструктурни проекти кои тежат десетици милиони евра, се гордост и се доказ за разликата во владеењето помеѓу СДСМ и ВМРО-ДПМНЕ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.