Фахрета Јахиќ станала Брена многу пред да стане позната како пејачка. Како што открива таа, прекарот Брена го добила уште во средно, во 1975 година – и тоа на теренот за кошарка.
– Во тој период почнав активно да тренирам кошарка. На тој терен и беше создаден мојот прекар Брена. Ми го даде тогашниот тренер Влада Бајер. Додека шутирав на кош, ми викна: „Ајде сега, Брено!“. Во Босна тоа беше синоним за убава девојка. Од секогаш сум сакала да се истакнувам, да се изборам за место под сонцето. Ма, како шило бев, затоа и се најдов под кош, со топка во рацете. Тука дојде до израз и мојата смисла за реалност. Сфатив дека не сум доволно талентирана за кошарка и дека секогаш ќе има подобри од мене, кои нема да можам да ги достигнам. Кога подоцна Саша Поповиќ ме праша да ли имам прекар, се сетив на тој настан и така стана Брена.
Брена почнала да пее додека била гимназијалка, пеела по игранки. Тогаш сфатила дека сцената е нејзиниот терен.
Милован Илиќ Минимакс се погрижил во 1981 година на Брена да му се придодаде и Лепа, веројатно затоа што не знаел дека брена и без тоа лепа значи убава девојка. Па така убавата девојка станала „убава убава девојка“ – Лепа Брена.
Затоа и не е чудно што Брена баш и не е луда за својот прекар и би била многу посреќна да ја викаат Софија или Клаудија.
– Да знаев дека ќе станам олку популарна, ќе учествував во осмислувањето на прекарот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
