Клаус Шваб: Економската криза се уште не е готова

И покрај растот на довербата во глобалната економија и понатаму постојат опасности, вели основачот на Светскиот економски форум Клаус Шваб.

Во пресрет на годинешниот собир на бизнис и политички лидери во Давос, закажан за 23 јануари, истакна дека се потребни „внимателен реализам“ и подобрување на довербата на јавноста за да се избегне нова голема финансиска криза.

Основачот на Форумот Давос нагласи дека „на светската економија се уште и се заканува колапс доколку дојде до негативен развој на настаните“.

Берзите од почетокот на оваа година бележат раст на акциите, а еврозоната веќе не е во непосредна опасност од колапс. Меѓутоа, невработеноста во голем број развиени економии и понатаму е висока, а довербата на граѓаните во деловните и политичките лидери е се помала.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.