Легендарниот капитен на Барселона во итервјуто за специјализраниот фудбалски сајт „Гол“ го посочи Филипе Кутињо како најдобар играч за врска во овој момент, исто така потенцирајќи дека тој е еден од малкумината фудбалери во светот кои можат вистински да ја засилат Барселона.
– Нема подобар играч за врска од него во фудбалска Европа во овој момент, а тоа значи и во светот. Секогаш покажувал големи квалитети, но сега под водство на Клоп доби константност и тоа е навистина феноменално. Кутињо се наоѓа во идеалниот клуб за да продолжи со развивањето, а исто така го има и најдобриот тренер за тоа. Со оглед на тоа како игра, нормално е што неговото име се поврзува со други големи тимови, но моја препорака е да се концетрира на играта и да ги игнорира сите шпекулации. Го велам тоа бидејќи сметам дека Ливерпул има сериозни шанси да ја освои титулата оваа сезона со него во тимот – изјавил Чави кој во продолжение добил прашање дали го гледа Кутињо како идна ѕвезда на Барселона.
– Нема многу играчи во светот кои можат да ја засилат Барселона, но повеќе од јасно е дека Кутињо е еден од тие ретките. Тој технички е феноменален и перфектно би се вклопил во системот на Барселона – додал Шпанецот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
