Директор на едно основно училишта во Сингапур испрати писмо до родителите, со кое предизвика реакции на социјалните мрежи.
Неговото обраќање го пренесуваме во целост:
Почитувани родители,
Испитите на вашите деца почнуваат наскоро. Знам дека сте многу оптоварени се да помине како што треба.
Но, ве молам, запомнете го следното:
Меѓу тие ученици седи еден уметник, кој нема потреба да ја разбира математика.
Таму има и еден претприемач, кого не го интересира историјата на англискиот јазик.
Таму е и еден музичар, кому не му е грижа за оценките по хемија.
Доколку вашето дете добие добри оценки, тоа е убаво. Доколку, пак, не добива, ве молам не ја загрозувајте неговата самодоверба и достоинство.
На детето кажете му дека го сакате и дека нема да го осудувате, без оглед на неговиот успех во училиштето.
Ве молам, постапете така, а потоа следете го вашето дете како го освојува светот.
Еден тест или ниска оценка нема да ги одземат неговите соништа и таленти.
Уште ова ве молам, немојте да мислите дека докторите и адвокатите се единствени среќни луѓе во светот.
Искрени поздрави,
Директор.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
