Подгответе ја зимската опрема не очекува снег од четврток

Времето утре во Македонија ќе биде претежно облачно со засилен јужен ветер и со појава на врнежи, најинтензивни во западните делови од земјата. Наместа врнежите, особено на запад ќе бидат повремено поројни и проследени со грмежи, по некаде во форма на невреме.

Утринската температура ќе се движи од 10 до 14, а дневната од 14 до 22 степени.

Во Скопје претежно облачно со врнежи од дожд кои повремено ќе имаат пороен карактер и ќе бидат проследени со повремено засилен јужен ветер, а ќе има и услови за појава на ретки грмежи во Скопската котлина.

Утринската температура ќе се спушти до 10, а дневната ќе се искачи до 19 степени.

Врнежи од дожд ќе има во текот на утрешниот ден и во среда. Наместа локално вкупните измерени водени количества ќе надминуваат 60 л/м2. Врнежите ќе бидат повремено проследени со грмежи, засилен ветер, по некаде и во форма на невреме.

Во среда ќе започне да дува северен ветер кон крајот на денот и тој ќе предизвика значително опаѓање на температурата.

Во четврток на планините на север и на запад ќе има услови за слаби врнежи од снег.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.