Сопствениците на кучиња најверојатно од 1 јануари 2017 година ќе и плаќаат на државата данок во висина од 100 евра поради нивните миленици. Ако државата се одлучи за воведување на овој данок, тој ќе биде наметнат на околу 350.000 лица, кои се регистрирани како сопственици на кучиња.
Како што пишува „Слободна Далмација“, хрватските власти планираат да донесат закон за заштита на животните, а токму оваа одредба ќе биде составен дел од предлог-законот.
Јавната расправа за овој предлог е завршена, а хрватското Министерство за земјоделство ги разгледува одговорите на доставените коментари.
Претставниците на Министерството за земјоделство сметаат дека со воведувањето на овој данок ќе се испрати порака до сопствениците на кучиња со цел да ја осигураат контролата за размножување на нивните миленичиња.
Имено, идејата е да не се даночат сопствениците на стерилизирани кучиња како и оние кои вдомиле улично куче.
Се наведува дека ова решение го поддржуваат и здруженијата за заштита на животните.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
