Монтела му порача на Бака: Ќе мора да седнеме да разговараме

Милан оствари тешка победа на домашен терен против аутсајдерот Пескара благодарение на голот кој го постигна Џакомо Бонавентура, но покрај минималната победа од 1:0 и трите освоени бода, тема на разговор за време на прес-конференцијата по мечот беше и тензичниот момент кој го изрежира Карлос Бака.

Напаѓачот на „росонерите“ не ја прифати баш најдобро одлуката на Монтела да го повлече од игра во 85-та минута, а откако јасно ја одмавна раката на својот надреден, следеше реакција од Винченцо кој беше видно незадоволен од потегот на Колумбиецот.

Треба да се напомене дека Бака имаше ваква слична реакција и додека тренер на Милан беше Михајловиќ, а Монтела на прес-конференцијата порачал дека ќе мора да има средба со него за да ги расчистат нејаснотиите.

– Реакцијата на Бака? Искрено, сум видел многу полошо нешто од тоа. Ќе видиме што ќе има да каже, ќе мора да се сретнам со него и да разговараме. Од моја страна нема никаков проблем, тој си ја заврши својата работа, иако можеше да направи подобри работи на моменти. Како и да е, имаше свој удел во победата – истакнал тренерот на Милан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.