Населението во паника: Големите сипаници најголема закана во Австрија

Анализата за ризици во Австрија, која по наредба на Владата ја направи Министерството за внатрешни работи и Управата за безбедност во Австрија, покажа дека најголем ризик во земјата се големите сипаници.

Како што пишува виенскиот весник „Кронен цајтунг“, во анализата е именувана „Биолошка, хемиска, радиолошка и нуклеарна закана“, детално се согледани сите закани во земјата, а заклучокот е дека пред се најголем ризик претставуваат заболувањата, односно големата сипаница.

Се констатира дека „ранливоста на Австрија е предизвикана од два фактори – укинувањето на вакцинацијата за големите сипаници во 1980 година, како и недоволната способност на тоа заболување да делува квалификуван персонал“.

Закана, како што стои во извештајот, претставува и грипот, бидејќи употребата на мутираните вируси може да се очекува од терористите, а се предупредува и на радиолошките средства, како што е таканаречената „валкана бомба“, наведувајќи дека бројот на материјали кои можат да се употребат е огромен и дека е тешко да се реализира контролата на радиоактивни супстанци.

Покрај тоа, се предупредува и на нуклеарните централи, иако во Австрија ги нема, во соседството постојат и би можеле во случај на несреќа да го загрозат здравјето на Австијците, и за тоа постојат планови за итна интервенција.

– Нема причина за паника, нагласи министерот за внатрешни работи Волфганг Соботка.

Како што наведе министерот за одбрана, Ханс Петер Дескоцил, важно е да се препознае димензијата на опасноста и да се проценат последиците.

Управата за безбедност изготви листа за специјални итни мерки во случај на потреба, при што се препорачува вакцинација на интервентните сили, како и на клучните лица во земјата.

Исто така се укажува дека секој граѓанин може да направи залиха на вода и намирници за најмалку три дена, како и дека во домот треба да поседува радио на батерии и свеќи, ако електричната енергија биде исклучена на подолго време.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.