Подружницата на АД Електрани на Македонија „ЕЛЕМ Енергетика“ денеска започна со производство, дистрибуција и снабдување со топлинска енергија на своите корисници, десет дена пред официјалниот почеток на грејната сезона.
Од АД Електрани на Македонија информираат дека греењето почна порано поради падот на надворешните температури особено во утринските и вечерните часови.
И Регулаторната комисија за енергетика потврди дека веќе се создадени услови за почеток на грејната сезона за тарифните потрошувачи приклучени на овој капацитет.
Во изминативе денови стручни екипи вршеа ладни проби на системот со цел да се отстранат евентуалните недостатоци и да се обезбеди сигурно и квалитетно снабдување со топлинска енергија на постојните корисници.
Услугите на „ЕЛЕМ Енергетика“ ги користат 3.514 домаќинства, 17 воспитно образовни институции (основни и средни училишта и детски градинки) и 75 деловни субјекти во скопските населбите Железара, Автокоманда, Триангла, Маџари и Хиподром.
– Со почетокот на грејната сезона, потрошувачите сите потребни информации ќе може да ги добијат во канцеларијата за односи со јавност, лоцирана во управната зграда на ЕЛЕМ Енергетика, а за дефекти или рекламации, може да ги користат телефонски броеви 3104 816 и 3104 872, се наведува во соопштението од АД Електрани на Македонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Последни
-
Сензационално: Северина се разведува од Игор, поради познатата водителка!
-
Фатална сообраќајка кај Струмица: Со „Корса“ излетал од патот, загинал на лице место
-
Шон Пен во Истанбул: Ќе снима документарец за убиениот новинар Џамал Кашоги (видео)
-
Димитров: Зборовите „нација со комплекс“ се извадени од контекст
