Двајца обвинети во случајот „Шпион“, вчера, доцна попладне биле пуштени од притвор.
– Апелацискиот суд Скопје вчера, доцна попладне до Основен суд Скопје 1 – Скопје достави решение со кое лицата М.Н. и Ц.Д., осудени во предметот во јавноста познат како „Шпион“, им се укинува мерката притвор и се пуштени на слобода, информираат од скопскиот Кривичен суд.
Во судскиот процес „Шпион“ беа обвинети 19 лица за злосторничко здружување, шпионажа, злоупотреба на службената положба, уцена, измама и недозволено поседување на оружје.
Во 2014 година беше донесена пресуда за овој случај во којшто се осудени главно сегашни и поранешни припадници на разузнавачката агенција, Управата за безбедност и контраразузнавање, како и Министерството за одбрана.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
